時間始終要過，探親，郵輪之旅，四十週年聚會，賭城四天遊，通通完滿結束，拖着疲累，病態終於歸家。
未出發前我倆夫妻曾討
論今次美國之行用去萬多澳幣，其實值唔值得，美國兩年前剛剛到訪，事物尤新，大部份地區已曾參觀過，今次機會為着見一班老同學，及嘗試吓從未座過之郵輪，
相信其中感受係唔可以用金錢去衡量。
首先當然係多謝籌辦組織成員，勞心勞力，安排今次聚會，及一切活動，非常成功，總算係鳴遠十二屆同學一個歷史性嘅回憶，其
次亦多謝澳洲方面之領隊，長期跟進及聯繫美國主辦單位。至於我個人就非常非常感激所有同學對我之關懷，慰問，尤其馬駿華夫妻，在大會及賭城四天遊期間我不
幸染上感冒，多得駿華夫妻照顧，及提供藥物，感謝萬分！
世事真係好奇妙，冇人可以預計四十年後大家再能聚首，所謂百年修來同船度，千年修來共枕眠，我們能同窗三年，四十年後再相
聚，何止百年修行，今次旅程，除咗見返一班久別之老同學，最為可貴係能興吉如站長見面，及結識仰慕已久之小鳴鳴大哥，係我之榮幸。當日有幸欣賞到大哥之珍
藏傑作，使我畢生難忘。
在出發前，我已做好功課，從畢業同學錄中每位將會出現之樣貌及姓名一一記著，無奈那些相中樣貌都係四十多年前嘅丫頭小子，
嗰日第一次見面，真係考起我，一時間腦袋完全空白，面前雖然個個做咗爺爺麻麻，但成熟，美麗，莊雅，一時間都遮蔽我腦海，混亂中攪出笑話百出，認錯人，叫
錯名，當日有得罪之處，請多多願諒。
聯歡晚會，金門橋集體相，賭城，所有相片，相信很多同學都分分貼上網，我不用再貼，我只貼上澳洲袋鼠隊郵輪之旅，同大家分享。
No comments:
Post a Comment